和味館

留家廚房掌門人劉建威先生說紅磡有兩間好餐廳，和味館便是其中一家。和味即五味調和，是中國烹飪和養生之道，但今時今日，那家飯館不用味精來調味呢？

一入大門，當眼處放了兩大盤海鮮，非常吸引。

成尺長的豉油皇瀨尿蝦，放在走廊的檯上，看着其他食客續隻點走，我們也不甘後人地點了兩隻，友人說價錢非常公道，抵食。

蟹都好吸引，但就無點到。

必吃生炒排骨 ($68)，以我食過百次以上的生炒骨而論，只能說中等水平，重有，生炒骨我都識煮，我都唔會煮得太差。

大孖頭抽煮鮮雞 (HK$130 半隻)。大孖頭抽是叫價港幣二百六十元的小眾奢侈調味料，可惜雞還是煮得老了一點，柴了一點，可幸湯汁非常惹味，來個白飯加色，再加點惹味的椒鹽提味，鮮香極了！真想打包剩下的雞汁回家再用。忽然晴天霹靂，老婆食到鋼絲擦的擦毛，投訴！

蒜蓉蒸蟶子，部份有沙。

椒鹽瀨尿蝦

非常抵食，可惜隻蝦未煮熟，蝦膏居然係生，橙色液體狀，再投訴！

炆大班尾

食不出陳皮，小了一點滋味。

炸湯丸

炸湯丸原來係新會的過年小食，但明顯火候控制不太好，炸得好唔掂。

總結：比較麻甩的餐廚，不太適合有潔癖的人，廚房有好大改善空間。材料新鮮，比連鎖酒樓高級。街坊式招待，服務舒服。

人均：六人合共 $1300，價錢公道。

地圵：紅磡榮光街 6-8 號地下
電話：23871008

請到我 Facebook 專頁讚好 「笑話 * 美食 * 人生」