電飯煲麵包布甸

麵包布甸是傳統英式甜品，說白就是麵包燉雞蛋。偶爾有麵包放在雪櫃太久，為免浪費可以做一個簡單版麵包布甸，不須焗爐，用電飯煲一樣搞定。

蛋漿：先將兩隻大雞蛋，一湯匙砂糖攪勻，(富貴版可加入雲呢拿油和肉桂粉)，然後再加入全脂奶 350ml 攪勻。

去皮隔夜方包兩大塊，每塊方包一開九，平均散開企直直咁放入碗中，鐘意食提子乾可以加一些在其中。

 倒入蛋漿。

竅門：一定要浸夠30分鐘。

放入電飯煲隔水蒸半小時。

咪睇佢樣衰衰，新鮮蒸好的麵包布甸非常嫩滑，唔差過我在英國名店食過的傳統甜品。

面色蒼白，整個焦糖面膜佢嘆。倒出電飯煲內的水，抺乾內膽，開番着個電飯煲，灑一層薄薄的砂糖。

放入蒸好的蒼白麵包布甸，用砂糖煎佢五六分鐘。

 哈哈！要求唔高都算靚仔。

英式麵包布甸配蛋黃醬，用牛奶、蛋黄、糖、雲呢拿混合製成。懶人版煮溶雲呢拿雪糕代替。

電飯煲有餘溫，倒入雪糕煮溶便淋上麵包布甸。由於蛋漿只加了一湯匙砂糖，加入煮溶的雲呢拿雪糕味道剛剛好。

兩塊麵包，兩隻雞蛋便夠二至三人食用。我分兩餐食完這個麵包布甸，剛蒸好時雞蛋非常嫩滑，比餐廳做的更好食，但同時很難完整地放回電飯煲用砂糖再煎一次，賣相稍差。如果我有噴火槍便可解決這種焦糖表面問題，但太專業的方法不在我考慮之列。第二天從雪櫃拿出來時麵包布甸已經很結實，相對地容易完整地放到電飯煲用砂糖煎，但口感已經和連鎖店食到的麵包布甸差不多了。