Iconic Hotdog
每次經過 Iconic，門口總有二三十人在排隊，睇見就怕怕。今天下雨，看見門口的人群小了一點，孤且一試。
店員小姐幾靚女，好有禮貌好有耐性敎客人配搭。排到我時佢突然話要 hold 住，接單太多個烤爐頂唔順。我O晒嘴，心諗咁都得？
排隊半小時，點餐五分鐘，再等成二十分鐘，差唔多成個鐘，終於攞到兩隻熱狗，心裏面閙自己做乜Q咁得閑？
第一隻正正常常咁叫隻紐倫堡烤洋蔥蜜糖芥辣
第二隻作死地點了墨西哥辣腸藍芝士甜酸瓜
承惠HK$68, 真係唔貴。麵包唔算好，腸同配料OK，辣腸唔夠辣，籃芝士唔多夠濃，但整體熱辣辣都食得過。不過都唔會有下次喇，要我再等成粒鐘真係寧願唔食。
